La «Jaurada»

Avant precis 50 ons es gnüda transfuormada la Chasa Jaura in ün museum regiunal e center da cultura. In occasiun dal giubileum voul üna «Jaurada» dar la vusch e render visibla la cultura da ed in Val Müstair. La «Jaurada» es üna sairada dedichada a differentas articula ziuns culturalas jauras – da teater, musica e films fin al dialect jauer. La «Jaurada» voul intermediar cultura jaura e far gust per quella in möd spiertus e divertent. In ed intuorn la Chasa Jaura daja perquai als 27 d’october differentas rapreschantaziuns da var 30 min. chi trattan aspets ulturals tipicamaing jauers. La glieud po girar dad ün lö a l’oter. Tanter e dürant las producziuns daja da baiver e da mangiar illa sala da la Chasa Jaura – forsa dafatta fin aint pella not.

Il program detaglià da la «Jaurada» segua